নতুন অসমীয়া সাথৰ : অসমীয়া সাঁথৰ

মই ভাত পানীও নাখাওঁ, দৰমহাও নলওঁ; 
তথাপিও আপোনাৰ ঘৰৰ সম্পূৰ্ণ পহৰা দিওঁ, 
কওঁকচোন মই কোন ?

উত্তৰঃ তলা-চাবি।

পানী আছে মাছ নাই, জংঘল আছে বাঘ নাই ?

উত্তৰঃ নাৰিকল।

আদি আছে অন্ত নাই, জন্ম আছে মৃত্যু নাই কি ? 

উত্তৰঃ সময় ।

কি পাতৰ আগ নাই ?

উত্তৰঃ টিনপাত।

অসম দেশৰ বিষম কথা, কি গছৰ পাত গোটা ?

উত্তৰঃ পিয়াজ।

এজনী চেৰেলী গাই, সাতখন পথাৰৰ ধান খায় ? 

উত্তৰঃ কাচি।

পানীৰ মাজেদি অবাধে চলিল,
বুৰ মাৰোতে গা নিতিতিল,
ই কি জীৱ গৰালত থাকে,
বহল ঠোঁটেৰে চিকাৰ কৰে ?

উত্তৰঃ হাঁহ।

মনে মনে চুকত বহোঁ, 
পৃথিৱীখন ভ্ৰমি ফুৰোঁ ? 

উত্তৰঃ ডাক টিকট।

বাৰটা মাহত তেৰটা মাত,
থম্ থম্ কৈ বহি থাকে চকুটেলেকাৰ জাত ?

উত্তৰঃ ফেঁচা।

মই থাকো লগত,
ঘুৰি ফুৰোঁ জগত,
বাৰ্তা গোটাই দিওঁ লোকক,
পাৰিবানে কব মই কোন ভকত ?

উত্তৰঃ মোবাইল ফোন।

মামা হঁতৰ ক’লী গাই ঘাটে ঘাটে পানী খায়।

উত্তৰঃ বৰশি।

ঘৰ আছে, দুৱাৰ নাই মাত আছে, মানুহ নাই ?

উত্তৰঃ ৰেডিঅ।

ক’লা ক’লা পখীটো,ক’লা বনত চৰে, দুই পৰ্বতে হেঁচা মাৰিলে, ক’লা পখীটো মৰ ?

উত্তৰঃ একটি।

ঘৰৰ ওপৰত ঘৰ তাতে পৰি মৰ ?

উত্তৰঃ আঠুৱাঁ।

ইয়াতে মাৰিলোঁ টিপা গঁড়গাও পালেগৈ শিপা ?

উত্তৰঃ ভুমিকম্প।

এডাল খেৰে ঘৰটো বেঢ়ে ?

উত্তৰঃ জুই।

কি ফল মিঠা  কিন্তু বজাৰত বিক্ৰী নহয় ? 

উত্তৰঃ কষ্টৰ ফল।

কি হয় সেইটো,  যিটো আপোনাৰ ওচৰত যিমান বেছিকৈ থাকে, সিমানেই আপুনি চকুৰে নেদেখা হৈ পৰে ? 

উত্তৰঃ আন্ধাৰ।

জুইত ফুটে পানীত মৰে,  সেই বস্তু সকলো ঘৰে ঘৰে ?

উত্তৰঃ নিমখ।

লাগিলে পেলাই দিয়ে, নালাগিলে উথাই থয় ? 

উত্তৰঃ চাইকেলৰ ষ্টাণ্ড।

সেইটো কি হয় যিটো মাহত এবাৰ আহে,  কিন্তু ২৪ ঘন্টাৰ পাছত গুছি যায় ? 

উত্তৰঃ তাৰিখ।

তিনি আখৰত মোৰ নাম,  প্রশ্ন সোধাই প্রথমৰ কাম দ্বিতীয় তৃতীয়ই মিলি বুজাওঁ গৰম।  পাৰিবানে ক’ব কিনো মোৰ নাম ?

উত্তৰঃ কিতাপ।

কানত ধৰি নাকত বহে ?

উত্তৰঃ চশমা।

আহিছে বাৰু মোৰ জন্মৰ পাছত,  কিন্তু গুচি যায় গৈ মৃত্যুৰ আগত ?

উত্তৰঃ দাঁত।

এটা নিগনি এশ ধান কুটে, নেগুৰত ধৰিলে জাপমাৰি উঠে ?

উত্তৰঃ ঢেকী।

এঠেঙীয়া বগলী, নিতৌ নাচে গধুলি ?

উত্তৰঃ বিচনী।

পানী থাকিলে বগলী জীয়ে, পানী শুকাই গলে বগলী মৰে ?

উত্তৰঃ চাকি।

কি ড্ৰাইভাৰে গাড়ী নচলায় ?

উত্তৰঃ স্ক্ৰুড্ৰাইভাৰ।

হাতী দাঁত কদমৰ পাত ভাঙিব নোৱাৰিলে গোলামৰ জাত ?

উত্তৰঃ মূলা।

আহোঁতে খুলিহে তৃপ্তি পায়, যাওতে মাৰি বাৰে বাৰে চায় ? 

উত্তৰঃ তলা ছাবি।

আছেনে এনে আচৰিত জীৱ, যি নাখায় মুখেৰে পানী ? 

উত্তৰঃ ভেকুলী।

আমাৰ লগত থাকে সদায়, কেতিয়াও নকৰে কামত সহায়, বিপদত পৰিলেও উভতি নাচায় ? 

উত্তৰঃ ছাঁ।

এটা ফল দিনত পকে, এটা পকে ৰাতি, এইকেইটা কি ফল কোৱাচোন ভাবি-চিন্তি ? 

উত্তৰঃ বেলি আৰু জোনবাই।

এনেকুৱা কি আছে আমি যিমান খালেওঁ পেট নভৰে ? 

উত্তৰঃ উজুতি।

এনেকুৱা কি আছে, যি জুনত আছে, জানুৱাৰিত নাই, জুইত আছে, পানীত নাই ? 

উত্তৰঃ গৰম।

এবাৰেই মাথোন পেটভৰাই খায়, তাৰপাছত জীৱনভৰ আৰামত শুই কটায় ? 

উত্তৰঃ লেপ বা তুলি।

ওপৰেও হাড়, তলেও হাড়, মাজত পাখি, খাব নোৱাৰি থৈছো ৰাখি ?

উত্তৰঃ জাপি।

কি বল খেলিব নোৱাৰি ? 

উত্তৰঃ মনোবল।

শাহটো পেলাই বাকলিটো খায়, সেইটোনো কি বস্তু কোৱাচোন ভাই ?

উত্তৰঃ ঔ টেঙা।