by অসমীয়া কবিতা ৰোমান্টিক
Table of Contents
তোমালৈ
শব্দবোৰ স্থবিৰ হয় কেতিয়াবা
ভাষা বিচাৰি !
নিৰৱ হৈ ৰও…
বুজাব নোৱাৰি
কিমান স্পৃহা তোমালৈ !
কি কৰিবা…
মনটোৱে যে অবুজন…!
তৰাফুলীয়া সপোনত
এছাটি জোনাক নামিছে,
অভিমানৰ কলীয়া ডাৱৰ
নচটিয়াবাচোন…!
জোনাক হেৰাই
বিৰহৰ বৰষুন বিচৰা নাই….!!
বিষাদ কিয় ভাল পোৱা তুমি
তুমি কোন নজনাকৈয়ে তোমাৰ
হৃদয়খন চুৰ কৰিছিলো,
তুমি কি বিচাৰা নুসোধাকৈয়ে তোমাৰ
কলিজাৰ আপোন হৈছিলো।
তোমাৰ বাবেই পুৱাৰ বেলিটি সাৰ
পোৱাৰ আগত দুচকু মেলিছিলো,
তোমাৰ হাঁহিবোৰৰ বাবেই দুবৰিক
গাভৰু কৰা ৰ’দজাকৰ চিনাকি
হৈছিলো।
তুমিতো নাছিলা মৰুৰ মৰিচিকা,
নাছিলা তুমি জোনাক থেলি আন্ধাৰ
নমোৱা আঁউসীৰ ৰাতি,
তেন্তে ৰাতিবোৰ ভালপোৱাৰ
কাৰন…
তুমি জোনাকী নেকি?
তোমাৰ খোজৰে খোজ মিলাই
ধূলিয়ৰি বাটত সিচিছিলো কৃষ্ণচূড়াৰ
পাহি,
তেন্তে খোজবোৰ থমকি ৰোৱাৰ
কাৰণ নাজানিলো।
তথাপিওঁ তোমাৰ মৰমেৰেই বিচাৰো
শিমলুৰ ৰঙবোৰ।
মই জানিছো তুমি আন্ধাৰৰ ছবি
আঁকি পোহৰক পাহৰাৰ দৰে দুখৰ
কেনভাচত সুখবোৰো আঁকিব
নিবিচাৰা এতিয়া।
তুমি এনেকৈ কিদৰে সুখী থাকা
নাজানো,
এবুকু বিষাদৰ চকুলো সামৰি লৈ।
বাৰে বাৰে মাথো নিজকে সোধো
বিষাদ কিয় ভাল পোৱা তুমি…।।
যদি কেতিয়াবা সময় পোৱা
যদি কেতিয়াবা সময় পোৱা
অনুগ্ৰহ কৰি ফোন এটা কৰিবা,
হয়তো তুমি ব্যস্ত এতিয়া
ঠিক মহানগৰীৰ চিটি বাছৰ হেণ্ডিমেনৰ দৰে
তথাপি,
সময় পালে ফোন এটি কৰিবা |
.
আলফুলীয়া কৈ তোমাৰ সৈতে কথা পাতিব
মন নাযায় নে মোৰ ?
নাযায় নে তোমাৰ সৈতে
গোপন প্ৰেমৰ কথা পাতিব,
আনৰ দৰে পাৰ্কে পাৰ্কে মোবাইলে |
.
নে তুমি আনৰ দৰে নোহোৱা
মই আনৰ দৰে নহওঁ,
তথাপি মনত ৰাখিবা- আমি মানুহ
আমাৰ আনৰ দৰেই হৃদয় এখন আছে,
সেই কাৰণে মোৰ মন যায় বাৰে বাৰে |
.
নেজানো তুমি কথাবোৰ বুজিবা নে নাই
কিন্তু চিন্তা নকৰিবা
মৌনতা অসমীয়া কবিতা
প্ৰত্যাশা
প্ৰতীক্ষাৰ প্ৰতিটো সন্ধিয়াই
মোৰ বাবে কঢ়িয়াই আনে
আমোলমোল শেৱালিৰ সুবাস
মোৰ দুখৰ চকুত উন্মোচিত হয়
সেউজ সোনোৱালী দুখৰীয়া ছবি
স্পৰ্শ কৰিছাহি, সপোনৰ চুবুৰি
তোমাক ভাল পাম বুলি ক’লে
সপোনবোৰ উটি যায় ক’ৰবালে ৷
মুখৰ মোহনাত মেলি দি আহো কথাৰ নৈ
আৰু মই নিৰ্বাক বালিচৰত
তোমাৰ দুভৰিত পিন্ধাই থৈ আহো উৎসাহৰ পায়েল ৷
এজাক টোপনিৰ বৰষুণ সিঁচি থৈ আহো
আৰু নিদ্ৰাহীনতাৰ জুয়ে মোক পুৰি মাৰে
তুমি বিচৰাহলে গঢ়িব পাৰিলোহেঁতেন
জীৱন ইতিহাস
স্পৰ্শ কৰিব পাৰিলোহেঁতেন প্ৰাণময় কবিতাৰ ভাষা
অনূৰ্বৰ পথাৰত পুৰ্নতাৰ সাজ পিন্ধি
- কবিতা কাক বোলে?
- কথা কবিতা বুলিলে কি বুজা?
- কবিতা আৰু কথা কবিতাৰ মাজত পাৰ্থক্য
- আধুনিক অসমীয়া কবিতা
- অসমীয়া ৰোমান্টিক কবিতাৰ পটভূমি ৰ বিষয়ে আলোচনা কৰা
- ৰোমান্টিক কবিতাৰ বৈশিষ্ট্য সমূহ আলোচনা কৰা
- অসমীয়া দেশপ্ৰেমমূলক কবিতাৰ সংগ্ৰহ
- অসমীয়া চুটি কবিতা সংগ্ৰহ
- কবিতা আবৃত্তি কৰাৰ 10টা নিয়ম
- পুৰণি অসমীয়া কবিতা
- আধুনিক অসমীয়া কবিতাৰ বৈশিষ্ট্য
- অসমীয়া ৰোমান্টিক কবিতাৰ বৈশিষ্ট্য
- ককা নীলমণি ফুকনৰ কবিতা
- অসমীয়া ৰোমাণ্টিক কবিতা : মোৰ সংগী
Follow Mainagem
